ភ្នំពេញ​៖​ នៅ​ថ្ងៃ​ទី​១៧​ ខែវិច្ឆិកា​ ឆ្នាំ​២០១៩​ វេលា​ម៉ោង​២១​ និង​២០​នាទី​ ប៉ុស្តិ៍​រដ្ឋបាល​ភ្នំពេញ​ថ្មី​ ឃាត់ខ្លួន​ជនសង្ស័យ​០១​នាក់​ ករណី​ឆក់​ទូរស័ព្ទ​ដៃ​ នៅ​ចំណុច​ មុខ​ផ្ទះ​គ្មាន​លេខ​ ផ្លូវ​៥៩៨​ ភូមិ​ទំនប់​ សង្កាត់​ភ្នំពេញ​ថ្មី​ ខណ្ឌ​សែន​សុខ​។​

​ជនសង្ស័យ​ឈ្មោះ​ លី​ សីហា​ ភេទ​ប្រុស​ អាយុ​១៨​ឆ្នាំ​ មុខរបរ​គ្មាន​ ជនជាតិ​ខ្មែរ​ ស្នាក់​នៅ​ភូមិ​គោក​ឃ្លាង​ សង្កាត់​គោក​ឃ្លាង​ ខណ្ឌ​សែន​សុខ​ (​មាន​សារធាតុ​ញៀន​)​ បាន​ធ្វើ​សកម្មភាព​ឆក់​យក​ទូរស័ព្ទ​ដៃ​របស់​ ជន​រង​គ្រោះ​ ឈ្មោះ​អ៊ុ​ក​ រតនៈ​ ភេទ​ប្រុស​ អាយុ​៣៩​ឆ្នាំ​ មុខរបរ​រត់​ម៉ូតូ​កង់​បី​ ជនជាតិ​ខ្មែរ​ ស្នាក់​នៅផ្ទះ​លេខ​២២៩​ ផ្លូវ​១៣២​ ភូមិ​២​ សង្កាត់​ស្រះ​ចក​ ខណ្ឌដូនពេញ​(​រលាត់​ដាច់​ស្បែក​ ហើម​ក្បាលជង្គង់​)​។​

​សម្ភារៈ​បន្សល់​ទុក​៖​ ទូរស័ព្ទ​ដៃ​០១​គ្រឿង​oppo​ ប្រគល់​ឲ្យ​ជន​រង​គ្រោះ​វិញ​,​ ម៉ូតូ​០១​គ្រឿង​ ម៉ាក​សេ​១២៥​ ផលិត​ឆ្នាំ​២០១៥​ ពណ៌​ខ្មៅ​ ពាក់​ស្លាក​លេខ​ភ្នំពេញ​ 1HC-6084​របស់​ជន​រង​គ្រោះ​។​

​បច្ចុប្បន្ន​ជនសង្ស័យ​កំពុង​ឃាត់ខ្លួន​នៅ​អធិការដ្ឋាន​នគរបាល​ខណ្ឌ​សែន​សុខ​ ដើម្បី​អនុវត្ត​តាម​នីតិវិធី​ ៕

​